Էստոնիայի իշխանություններն անցանկալի անձ են հայտարարել Նարվայում Ռուսաստանի գլխավոր հյուպատոս Դմիտրի Կազեննովին եւ հյուպատոս Սերգեյ Սուրգաեւին: Այս մասին գրում է Delfi-ն՝ վկայակոչելով Էստոնիայի ԱԳՆ մամուլի քարտուղար Սանդրա Կամիլովային:

Սակայն էստոնական ԱԳՆ-ում չեն պարզաբանել որոշման պատճառները:

Ըստ Meduza-ի՝ Ռուսաստանի արտգործնախարարությունը դեռեւս չի մեկնաբանել իր դիվանագետներին անցանկալի անձ հայտարարելու մասին լուրը: