Հենց կառավարությունների քայլերն են մարդասիրական օգնության պահանջ ծնում։ Այս մասին մայիսի 27-ին UWC Դիլիջան միջազգային քոլեջում «Aurora Dialogues» քննարկումների առաջին օրվա շրջանակում լրագրողներինն ասաց «Ավրորա» մարդասիրական նախաձեռնության համահիմնադիր, Flagship Pioneering ընկերության գլխավոր գործադիր տնօրեն, ձեռնարկատեր Նուբար Աֆեյանը։

Ի պատասխան քննադատության, որ այսօր Հայաստանում խախտվում են մարդու իրավունքները, իսկ «Ավրորա» նախձեռնությունը զբաղվում է այլ երկրներում տեղի ունեցող իրադարձություններով, Աֆեյանը նշել է. «Մարդու իրավունքը ժողովրդի եւ կառավարության հարաբերություններին է վերաբերում։ Այդ հերոս մարդիկ ոչ մի կապ չունեն կառավարությունների հետ։ Իմ կարծիքով, մենք չպետք է շփոթենք այդ երկու երեւույթները։ Մարդասիրական գաղափարները կարող են ծնվել անկախ կառավարություններից»։