«Հարավկովկասյան երկաթուղու» տոմսերի էլեկտրոնային ամրագրման համակարգն ԱՊՀ-ում լավագույններից է։ Այս մասին Երեւանի կայարանում լրագրողների հետ հանդիպմանն ասաց երկաթուղու ուղեւորափոխադրումների բաժնի պետ Գագիկ Մովսեսյանը։
Երկաթուղային տոմսերի էլեկտրոնային վաճառք ամեն տեղ գոյություն չունի, իսկ մոտակա երկրներում՝ միայն Ռուսական երկաթուղիների համար։
«Մեզ մոտ կարելի է դյուրությամբ առցանց տոմս ձեռք բերել։ Իսկ օտարերկրացի զբոսաշրջիկները գիտեն այդ մասին եւ մի քանի օր առաջ են տոմս գնում։ Օրինակ՝ գալիս են Երեւան եւ ցանկանում են Թբիլիսի մեկնել։ Այս պարագայում նրանք առանց դժվարության մեր կայքից գնում են առցանց տոմսեր», - նկատեց Մովսեսյանը։
Նա հավելեց, որ Թբիլիսի մեկնող գնացքում օտարերկրացիներն ավելի շատ են։ «Բաթումիի գնացքում հիմնականում հայեր են, որոնք ծովափ են մեկնում։ Իսկ Թբիլիսիի գնացքում երբեմն 80-90 տոկոսն օտարերկրացիներ են», - հավելեց նա։
