Լոնդոնի մզկիթի մոտ հարձակումը նույքան նողկալի էր, որքան եւ մնացածը, հայտնել է Մեծ Բրիտանիայում վարչապետ Թերեզա Մեյը, հայտնում է BBC-ը։
«Այդ հարձակման նշանակետը նորից դարձել են սովորական անմեղ մարդիկ, բայց այս անգամ՝ բրիտանական մուսուլմանները»,- նշել է նա, հավելելով, որ «տարիներ շարունակ ծայրահեղականության նկատմամբ չափից շատ հանդուրժողականություն է եղել»։ Նրա խոսքով, դա նորից հիշեցրել է այն մասին, որ ահաբեկչությունը, ծայրահեղականությունն ու ատելությունը շատ ձեւեր ունեն։ Հայտարարությունից հետո Մեյն այցելել է մզկիթ, որը գտնվում է դեպքի վայրից ոչ հեռու ու այնտեղ հանդիպել կրոնական առաջնորդների հետ։
Նշենք, որ Լոնդոնի մզկիթի մոտ վրաերթի հետեւանքով զոհվել է 1, վիրավորվել 10 մարդ։ Ականատեսների խոսքով տղամարդը, որը վրաերթի է ենթարկել այդ մարդկանց, բղավում էր ․ «Ես կսպանեմ մուսուլմաններին»։ Հանցագործը 47 –ամյա Դորան Օսբորն էր։ Նա կալանավորված է։