Ապրիլյան առճակատման ընթացքում հրետակոծված ու գրեթե հիմնահատակ ավերված Թալիշում շուտով կտրվի բնակարանաշինության մեկնարկը: Արցախի Հանրապետության քաղաքաշինության նախարարը Կապիտալ շինարարության վարչության անձնակազմի հետ քննարկել է հրետակոծված բնակարանների վերանորոգման-վերակառուցմանն ուղղված մի շարք հարցեր, տեխհսկիչներին տվել համապատասխան հանձնարարականներ` առաջիկայում վերանորոգման -վերակառուցման համար նախատեված առայժմ 16 բնակարանների գույքագրման, չափագրման եւ նախահաշվարկի ուղղությամբ:
Թալիշում առայժմ ընթացքի մեջ է համայնքապետարանի եւ հանդիսությունների սրահի շինարարությունը, պատրաստ է նոր կառուցվող բնակարանների եւ դպրոցի նախագիծը, իսկ մանկապարտեզում` ներկայումս կատարվում է հողային աշխատանքներ, որից հետո` կիրականացվի հիմքի կառուցումը:
Լուսանկարում Թալիշի համայնքապետարանի շենքն է։