Ադրբեջանը հստակ ռազմավարություն է իրականացնում` ձգտելով Հայաստանին «հյուծել» հոգեբանական եւ տնտեսական տեսանկյունից: Այս մասին հունիսի 21-ին` լրագրողների հետ հանդիպման ժամանակ ասաց «Նորավանք» գիտակրթական հիմնադրամի ղեկավար, քաղաքագետ Գագիկ Հարությունյանը:
Նա նշեց, որ անհրաժեշտ է զերծ մնալ առաջինը հարձակվելու գաղափարից: «Մենք պետք է մշտապես հաշվի առնենք հնարավոր սցենարները, հետեւանքները եւ պատճառները: Այո’, Ադրբեջանը ռեսուրսներ ունի, բայց մենք պետք է փորձենք ադրբեջանական նավթին հակազդել մեր մարդկային պոտենցիալի որակի բարձրացմամբ: Մենք պետք է զարգանանք ոչ միայն բարձր, այլ նաեւ քաղաքական տեխնոլոգիաների ոլորտում»,- նշեց Հարությունյանը:
