Իրանի անվտանգության ուժերը արեւմտյան Քուրդիստան գավառում ահաբեկիչների խումբ են ոչնչացրել։ Այս մասին հաղորդում է PressTV-ն՝ վկայակոչելով Իսլամական հեղափոխության պահապանների կորպուսը։ 

Նշվում է, որ կորպուսի ցամաքային ստորաբաժանումները բախվել են ահաբեկիչների հետ, որոնք երկրում ահաբեկչություններ են ծրագրել։ Բախումների հետեւանքով երեք ահաբկիչ է սպանվել, մեկին հաջողվել է կենդանի վերցնել։

Նշենք, որ այս շաբաթվա ընթացքում Կորպուսը մի շարք հատուկ գործողություններ է իրականցրել, որոնց ընթացքում զինծառայողները սպանել են ահաբեկչական բջջի ղեկավար Անսար ալ-Ֆուրքանին։ Ոչնչացրել են նաեւ մի քանի ահաբեկիչների, առգրավել են ռումբեր եւ ավելի քան 700 կգ պայթուցիկ նյութեր, մեծ քանակությամբ զենք։