Չինաստանում դատարանը չեղարկել է վաշխառուների վրա հարձակվելու աղմկահարույց գործով մահապատժի դատավճիռը։ «Սինհուա»-ն հաղորդում է, որ 22-ամյա Յույ Խուանը դատապարտվել է դանակով 4 վաշխառուի վրա հարձակվելու համար, որոնք ծաղրել են իր մորը՝ պահանջելով վճարել պարտքերը։
Երիտասարդը նրանցից մեկին սպանել է, մյուս երեքը վիրավորվել են։ Վաշխառուները ծաղրել են Յույի մորը՝ նրան վիրավորելով եւ ցույց տալով իրենց սեռական օրգանները։ Նշվում է, որ դեպքի վայր ժամանած ոստիկանությունը չի կարողացել զսպել նրանց։ Յույ Խուանը նրանց վրա դանակով հարձակվել է, երբ վերջինները երիտասարդին եւ նրա մորը թույլ չեն տվել ոստիկանության հետ լքել դեպքի վայրը։
Գործը Չինաստանում մեծ աղմուկ բարձրացրեց։ Դատավճիռը շատերին էր վրդովել։ Ուստի հունիսի 23-ին դատարանը մահապատիժը փոխարինեց 5 տարվա ազատազրկմամբ։
