Մադրիդի դատարանը վճռել է արտաշիրմել նկարիչ Սալվադոր Դալիի (1904-1989) մնացորդները՝ հայրությունը պարզելու հայցի պատճառով, հաղորդում է EFE գործակալությունը։

Արտաշիրմելու նպատակը հայրության թեստ անցկացնելն է, քանի որ Պիլար Աբելը պահանջել է իրեն նկարչի դուստր ճանաչել։

Սալվադոր Դալին ծնվել է 1904 թվականի մայիսի 11-ին։ Նա սյուրռեալիզմի խոշորագույն ներկայացուցիչներից է։ Նկարիչը մահացել է 1989 թվականի հունվարի 23-ին, Ֆիգերաս քաղաքում։