Շվեդ Յոհան Գուստաֆսոնը, որին 2011-ին Մալիում առեւանգել էր «Ալ Կաիդան»․ ազատ է արձակվել ու տուն է վերադառնում։ Այս մասին հայտնել է Շվեդիայի ԱԳՆ-ն, փոխանցում է AFP-ն։
Շվեդիայի ԱԳՆ ներկայացուցիչը հայտնել է, որ Գուստաֆսոնը ազատ է արձակվել ու կարող է տուն վերադառնալ։ Նրա խոսքով, ինքն արդեն հեռախոսով զրուցել է Գուստաֆսոնի հետ, որը հայտնել է, որ ամեն ինչ նորմալ է։ Շվեդի ազատ արձակման մասին որեւէ այլ մանրամասներ չեն հայտնում։
42-ամյա Յոհան Գուստաֆսոնին 2011-ի նոյեմբերին Մալիում առեւանգել էին ՀԱՀ քաղաքացի Ստեֆեն Մակգովանի ու հոլանդացի Սժաակ Ռիժկեի հետ։ Վերջինը ազատ էր արձակվել 2015-ի ապրիլին, ֆրանսիական հատուկ նշանակության ջոկատի շնորհիվ։ ՀԱՀ քաղաքացու ճակատագրի մասին ոչինչ հայտնի չէ։ Այդ երեքին առեւանգել էին զինված տղամարդիկ՝ այլ եվրոպացիների՝ այդ թվում Ռիժկեի կնոջ հետ, որին հետագայում հաջողվել է փախչել։ Առեւանգման ժամանակ սպանվել էր մի գերմանացի, որը փորձել էր դիմադրություն ցուցադրել։
