ԵՏՄ-ն դառնում է կամուրջ Արեւելքի ու Արեւմուտքի միջեւ, որը թույլ կտա ակտիվացնել փոխշահավետ կապերը եվրասիական մայրցամաքի պետությունների միջեւ, ապահովել անարգել բեռնափոխադրում Ասիայից Եվրոպա։ Նման հայտարարություն է արել ԵՏՀ Կոլեգիայի էկոնոմիկայի ու ֆինանսական քաղաքականության հարցերով անդամ Տիմուր Ժակսիլիկովը Հռոմում Եվրասիական 5-րդ սեմինարի ժամանակ, փոխանցում է ԵՏՀ մամուլի ծառայությունը։
Ժակսիլիկովի խոսքով, չնայած արեւելյան ուղղությամբ, մասնավորապես Չինաստանի հետ, ԵՏՄ միջազգային հարաբերությունների զարգացմանը՝ ԵՏՀ-ի համար առաջվա պես առաջնայնություն է մնում ԵՏՄ-ի ու ԵՄ-ի միջեւ փոխգործակցությունը։
Տիմուր Ժակսիրիկովը նշել է, որ չնայած ԵՏՄ-ի ու ԵՄ-ի միջեւ ինստիտուցիոնալ հարաբերությունների բացակայությանը, կան մեծ քանակության նախաձեռնություններ ու ֆորումներ, որտեղ քննարկվում է երկու միությունների համագործակցության թեման։ «Ընդ որում այդ հարցում շարժիչ զգալի ուժ է եվրոպական բիզնեսը, որը խոսում է այն մասին, որ բիզնեսի համար շատ կարեւոր է եվրասիական շուկան, որը նա կորցնում է։ ԵՄ-ի տեղը արագ զբաղեցնում են մյուս երկրները ու եվրոպական բիզնեսը զգում է դա»,- ամփոփել է Տիմուր Ժակսիլիկովը։
Դրա համար էլ հրատապ նշանակություն են ձեռք բերում ԵՄ երկրների ու ԵՏՀ-ի միջեւ երկխոսության ակտիվացումը, համագործակցության հեռանկարային ուղղությունների մշակումը։
