Հալեպի հայկական թաղամասում փակումից չորս տարի անց նորից բացվել է բացօթյա սրճարան։
Հալեպի Հայկական միության սրճարանը, որը գտնվում է Միդան թաղամասում, բացվել է հունիսին, կառավարական զորքերի կողմից քաղաքի ազատագրումից վեց ամիս անց, հայտնում է AFP-ն։
«Այստեղ լինելն ասես երազ լինի։ Ամեն անգամ, երբ այստեղ եմ գալիս, աչքերիս չեմ կարողանում հավատալ։ Մենք ինքներս մեզ ասում ենք ՝ եթե սրճարանը նորից բացվել է, ուրեմն այստեղ նորից մարդիկ կգան»,- ասում է այցելուներից մեկը՝ Թալինե Մինասյանը։
Հոդվածում նշվում է, որ Հալեպում հայկական մեծ համայնքի կար։ Սակայն հիմա քաղաքում ընդամենը մոտ 10 հազար հայ է մնացել, քանի որ հազարավոր հայեր մեկնել են Հայաստան, հարեւան Լիբանան կամ էլ նույնիսկ ԱՄՆ, Կանադա ու Եվրոպա։ «Միդանը գրեթե ամայացել էր։ Շատ ընտանիքներ են հեռացել»,- պատմում է Թալինեն։ Թալինեի ամուսինը մտադիր է այստեղ նորից բացել անվադողերի խանութ ։
Ինչպես նշում է ատամնաբույժ Հարություն Կախվեդյանը, սրճարանի բացումը նշանակում է երջանիկ օրերի վերադարձ։ Նրա ընտանիքը տեղափոխվել է Լիբանան, սակայն ինքը մնացել է Հալեպում։ Բարդ ժամանակներում նա նույնիսկ օգնել է բուժել վիրավորներն հայկական կենտրոնում։
