Միացյալ Նահանգները մտադիր չեն վերադարձնել ռուսական դիվանագիտական սեփականությունը՝ առանց փոխարենը Ռուսաստանից ինչ-որ բան ստանալու։ Այս մասին «ՌԻԱ Նովոստի»-ին հայտնել է Սպիտակ տան բարձրաստիճան պաշտոնյան՝ պատասխանելով հարցին, թե ինչպիսի՞ դիրքորոշում է զբաղեցնում նոր վարչակազմն այդ հարցում։
Երկուշաբթի՝ հուլիսի 17-ին, Վաշինգտոնում նշանակված է ՌԴ ԱԳ փոխնախարար Սերգեյ Ռյաբկովի եւ պետքարտուղարի տեղակալ Թոմաս Շենոնի խորհրդակցությունների երկրորդ փուլը։ Հունիսի 23-ին, Պետերբուրգում նշանակված խորհրդակցությունները չեղարկվել են։
Բանակցություններում քննարկման գլխավոր թեման կդառնա ԱՄՆ-ում ռուսական դիվանագիտական սեփականության վերադարձը։ Խորհրդակցությունների փուլից է կախված Մոսկվայի պատասխան միջոցառումներ կիրառելը։
Ռուսաստանի նախագահի օգնական Յուրի Ուշակովը, մեկնաբանելով ռուսական սեփականության կալանքը, հայտարարել է, որ Մոսկվան հաշվի է առնում ԱՄՆ նախագահ Դոնալդ Թրամփի համար ստեղծված բարդ իրավիճակը։ Սակայն Մոսկվան անպայման կարձագանքի, եթե Վաշինգտոնն անգործության մատնվի։
