ՄԱԿ-ի գլխավոր քարտուղար Անտոնիու Գուտերեշը կոչ է արել վարենայել Աֆրիկայի մասին տեսակետը, ընդունել ու օգտագործել աֆրիկյան երկրների հսկայական ներուժը։
Գուտերեշը նշել է, որ Աֆրիկյան միությունը ու ՄԱԿ-ը հետաքրքրված են, որ ժամանակին կանխեն հասունացող հակամարտությունները ու արդյունավետորեն կարգավորեն գոյություն ունեցողները։ ՄԱԿ ղեկավարը աջակցել է Աֆրիկայի խաղաղաստեղծ ներուժի ամրապնդմանն ուղղված աֆրիկյան նախաձեռնությունը, այդ թվում մայրցամաքում պահուստային ուժեր ու արագ արձագանքման գումարտակներ ստեղծելը։ Նա նաեւ շեշտել է հակամարտությունների պատճառների վերացման անհրաժեշտությունը, փոխանցում է ՄԱԿ-ի ռադիոն ։
Անտոնիու Գուտերեշի կարծիքով, պետք է համախմբել ռեսուրսները խաղաղության պահպանմանն ուղղված աֆրիկյան գործողության համար, փոխանակել աշխատակիցներ, ստեղծել համատեղ առաքելություններ՝ փաստերի պարզման համար, միասին պայքարել ռազմատենչ ծայրահեղականության դեմ ու կանխել զենքի ու զինամթերքի ապօրինի հոսքերը։
