Նուբարաշենի գերեզմանոցի 900 տոննա եւ Հայաստանի 24 պահեստների թունաքիմիկատների ոչնչացման համար ռուս փորձագետ, «Գազաանալիտիկ համակարգեր» կազմակերպության ղեկավար Սերգեյ Կարաբաշեւը առաջարկում է ռուսական արտադրության բարձր ջերմաստիճանային շարժական տեխնոլոգիան, հաղորդում է «ԷկոԼուրը»:
Տեխնոլոգիան ներկայացվել է ՀՀ բնապահպանության նախարարությանը:
Ըստ Սերգեյ Կարաբաշեւի` +ժամում 100 տոննա եւ 500 տոննա հզորությամբ ռուսական արտադրության բարձր շարժական տեխնոլոգիաների միջոցով հնարավոր է տեղում ոչնչացնել 1-ին եւ 2-րդ դասի վտանգավորության թափոններ:
Սերգեյ Կարաբաշեւը Հայաստան է ժամանել ՄԱԿ-ի Զարգացման ծրագրի հրավերով, որը Գլոբալ էկոլոգիական հիմնադրամի ֆինանսավորմամբ իրականացնում է «Ժամկետանց պեստիցիդների պաշարների ոչնչացում եւ կայուն օրգանական աղտոտիչներով աղտոտված տարածքների աղտազերծում`քիմիկատների անվտանգ կառավարման միջոցառումների շրջանակներում» ծրագիրը:
