2016-ի ապրիլի նման լայնածավալ ռազմական գործողությունների վերսկսումը չի կարելի բացառել։ Այս մասին հուլիսի 22-ին լրագրողների հետ հանդիպման ժամանակ ասել է «Հաշմանդամների աջակցության» ՀԿ-ի գործադիր տնօրեն, ղարաբաղյան պատերազմի մասնակից Գագիկ Դանիելյանը։
«Եկեք չմոռանանք, որ մեզ մոտ ընդամենը հրադադար է։ Այն էլ ոչ կայուն»,- պարզաբանեց փորձագետը։
Միաժամանակ, Դանիելյանը նշեց, որ բուն ապրիլյան էսկալացիայի ընթացքում հայկական կողմը լուրջ բացթողումներ է ունեցել, որոնք հետագայում հաշվի են առնվել ու վերացվել։