«Թալիբան» խմբավորման ուժերը հարձակվել են հյուսիսային եւ կենտրոնական Աֆղանստանի 2 շրջկենտրոնների վրա, փոխանցում է «Սինհուան»:
Թայվարա շրջանը թալիբները գրավել են մի քանի օր տեւած բախումներից հետո: Նույն օրը գրավել են Ֆայրաբ շրջանը:
Մեծ թվով թալիբներ հարձակվել են Քոհիսթան շրջանի կենտրոնի վրա:
Կորուստներ են ունեցել թե՛ կառավարական ուժերը, թե՛ «Թալիբանը», սակայն դեռեւս ճշգրիտ տեղեկություններ չեն հաղորդվում:
Աֆղանստանի ոստիկանության տեղեկություններով՝ Քանդահար շրջանում 21 գրոհային է սպանվել եւ ոստիկանության 4 ներկայացուցիչ, վիրավորվել է 20 գրոհային:
