Հուլիսի 15-ին ժամը 16.45-ի սահմաններում, ճանապարհային ոստիկանները Երեւանի Բաշինջաղյան-Առաքելյան փողոցների խաչմերուկում բղավոցներ են լսել. մի աղջիկ օգնություն է կանչել:
Ոստիկանները նկատել են, որ 200 մետր հեռավորության վրա կանգնած տղայի եւ աղջկա, տղան ոստիկաններին տեսնելով դիմել է փախուստի: Աղջկա հետ երեխա է եղել:
Ոստիկանները հետապնդել են երիտասարդին ու բերման ենթարկել ոստիկանության Մաշտոցի բաժին:
Աղջիկը ոստիկաններին պատմել է, որ երիտասարդը հարձակվել է իր վրա, պարանոցից պոկել ոսկյա շղթան ու ոստիկաններին տեսնելով՝ փախել:
Արդեն ոստիկանությունում պարզվել է, որ երիտասարդը 22-ամյա Սարգիս Ֆ.-ն է, որին ամիսներ առաջ մեղադրանք է առաջադրվել գողության հատկանիշներով, գործը դատաքննության փուլում է:
Այս անգամ նրա նկատմամբ խափանման միջոց է ընտրվել կալանավորումը: