Թուրքիայի քրդական «Ժողովուրդների դեմոկրատական» (HDP) կուսակցության հայ պատգամավոր Կարո Փայլանն անդրադարձել է թուրքական Cumhurıyet պարբերականի լրագրողների դատավարությանը։
Կարո Փայլանն Twitter–ի իր էջում գրառում է կատարել. «Լրագրողներին դատելը լուր է։ Ամոթալի է, երբ այն որպես լուր չի հայտնվում լրատվամիջոցներում»։
Նշենք, որ հուլիսի 24–ին Թուրքիայում սկսվել է ամիսներ շարունակ կալանքի տակ գտնվող ընդդիմադիր Cumhuriyet պարբերականի լրագրողների դատավարությունը։ Սակայն դատավարությունը իշխանամետ լրատվամիջոցները չեն լուսաբանում։