Մոլորակաբանների միջազգային խումբը պարզել է, որ Լուսնի ընդերքում ջուր կա, հայտնում է Nature Geoscience-ը:
Մասնագետները հետազոտել են հնդկական լուսնային Chandrayaan-1 արբանյակից ստացված տվյալները: Սպեկտրալ վերլուծության միջոցով որոշվել է երկնային մարմնի մակերեւույթին հին հրաբխային շերտերի քիմիական կազմը, որոնք, պարզվել է, հարուստ են ջրով:
Գիտնականների ենթադրությամբ՝ ջուրը հրաբխային ապարների հետ Լուսնի ընդերքից դուրս է եկել հին ժամանակներում: Սա նշանակում է, որ ընդերքն այժմ եւս ջրով լի է:
Հետազոտողների գնահատմամբ՝ հրաբխային մասնիկները մոտ 0,05 տոկոս (ըստ զանգվածի) ջուր են պարունակում: Մասնագետները ենթադրում են, որ ջուրը կարող է հանվել եւ օգտագործվել նախատեսվող լուսնային առաքելությունների ժամանակ:
Գիտնականները տեղյակ չեն Երկրի արբանյակի ընդերքում ջրի ճշգրիտ ծագումնաբանությանը: Նախկիում երկնային մարմնում ջրի հետքեր են հայտնաբերել Apollo առաքելությունները, որոնց ընթացքում Երկիր են բերվել բնահողի նմուշներ: Դրանից բացի սառցակալած ջուր է պարունակվում Լուսնի բեւեռների ստվերապատ խառնարաններում: