Եվրահանձնաժողովի կոլեգիան հուլիսի 26-ին կքննարկի Ռուսաստանի դեմ ԱՄՆ նոր պատժամիջոցները: Այս հարցով իրենց կարծիքը կհայտնեն ԵՀ ղեկավարի Էներգամիության գծով տեղակալ Մարոշ Շեֆչովիչը եւ էներգետիկայի ու կլիմայի փոփոխությունների հարցերով եվրահանձնակատար Միգել Արիաս Քանյեթեն: Այս մասին հայտարարել է ԵՀ ներկայացուցիչ Մարգարիտիս Սհինասը, փոխանցում է ՏԱՍՍ-ը:
«Կոլեգիան կքննարկի Իրանի եւ Ռուսաստանի նկատմամբ ԱՄՆ նոր պատժամիջոցները: Այս մասին զեկույցը կպատրաստեն ԵՀ փոխնախագահ, առաջին տեղակալ Ֆրանս Թիմերմանսը, Եվրահանձնակատարներ Մարոշ Շեֆչովիչը եւ Միգել Արիաս Քանյեթեն»,- հայտարարել է նա:
Ավելի վաղ ԵՀ-ը ԱՄՆ-ին կոչ է արել իր միակողմանի արգելող միջոցառումները համաձայնեցնել գործընկերների հետ եւ զգուշացրել է ԵՄ էներգետիկ անվտանգության համար պատժամիջոցների այդ փաթեթի հնարավոր բացասական հետեւանքների մասին: