Իզմիրի (Զմյուռնիա) Սուրբ Հովհաննես եկեղեցում օգոստոսի 14-ին Աստվածածնի Վերափոխման տոնին նվիրված պատարագի են մասնակցելու կաթոլիկ հայերը։
Ինչպես տեղեկացնում է Ստամբուլի հայկական «Ակոս»-ը, Իզմիրի Սուրբ Հովհաննես եկեղեցում 95 տարի անց առաջին պատարագը մատուցելու է Ստամբուլի Սուրբ Հովհաննես Ոսկեբերան կաթոլիկ եկեղեցու հոգեւոր առաջնորդ Վարդան Կազանջյանը։
Իզմիրի Սուրբ Հովհաննես կաթոլիկ եկեղեցին կառուցվել է 1862 թվականին։ 1922-ի Իզմիրի մեծ հրդեհից հետո այն լքվել էր, ապա 1960-ին տրամադրվել էր ՆԱՏՕ-ի զինվորներին։ 2013-ին վերանորոգվել ու վերադարձվել է կաթոլիկ համայնքին։