Microsoft-ի հիմնադիր Բիլլ Գեյթսն Instagram-ում կայքէջ է բացել, գրում է Gazeta-ն։
Պրոֆիլի նկարագրությունում ասվում է, որ միլիարդատերը պատրաստվում է պատմել բարեգործական հիմնադրամի աշխատանքի եւ իր հետաքրքրությունների մասին։
Առաջին գրառումը Գեյթսը նվիրել է Տանզանիա ուղեւորությանը։ Նա երեք լուսանկար է հրապարակել եւ պատմել Մուհեզա նահանգում դպրոցականների հետ ճաշի մասին։
Ներկա պահին Բիլլ Գեյթսի Instagram –ն ավելի քան 97 հազար հետեւորդ ունի։ Նրա @thisisbillgates կայքէջը վավերացման նշան ունի։
Նա ինքը հետեւում է 25 կայքէջի, ներառյալ՝ կնոջ՝ Մելինդա Գեյթսի, Facebook-ի ղեկավար Մարկ Ցուկերբերգի եւ Instagram-ի հիմնադիր Մայք Քրիգերի։