ԱՄՆ փոխնախագահ Մայք Փեսնը Լատինական Ամերիկայի երկրներում իր շրջագայության ընթացքում Չիլիի նախագահ Միշել Բաչելեթին կոչ է արել խզել դիվանագիտական ու առեւտրային կապերը Հյուսիսային Կորեայի հետ։ Այս մասին հայտնում է Associated Press-ը։
Փենսը պատմել է, որ նման առաջարկ է արել Բաչելեթի հետ հանդիպման ժամանակ ու հավելել է, որ նույն կոչով է դիմում նաեւ Պերուի, Մեքսիկայի ու Բրազիլիայի ղեկավարներին։
«Մենք սկսում ենք առաջընթաց տեսնել Հյուսիսային Կորեային առնչվող հարցում»,- ասել է Փենսը՝ նշելով, որ դեռ շատ անելիքներ կան։
