Երեւանի հյուրանոցներից մեկում ծեծկռտուք է տեղի ունեցել: NEWS.am-ին ոստիկանությունից տեղեկացրին, որ միջադեպի վերաբերյալ ոստիկանություն ահազանգը ստացվել է օգոստոսի 16-ի գիշերը:
shamshyan.com-ի փոխանցմամբ, հյուրանոցային համալիրի 755 սենյակում վիճաբանություն է տեղի ունեցել Քուվեյթի քաղաքացիներ Ալի Ալմուրաիբինի եւ Մեշալ Ալդաբուսի միջեւ։ Նշված հյուրանոցից «գլխի գագաթային շրջանի պատռված վերքեր» ախտորոշմամբ Մ. Ալդաբուսին տեղափոխել է Երեւանի «Էրեբունի» բժշկական կենտրոն։ Նրանց միջեւ տեղի ունեցած ծեծկռտուքի ժամանակ Ա. Ալմուրաիբինը ապակյա բաժակով հարվածել է Մ. Ալդաբուսիի գլխին։
