Հայաստանի ԱԻՆ-ում, այսօր՝ օգոստոսի 19-ին, ժամը 03:40-ին տեղեկություն է ստացվել, որ Սյունիքի մարզի Կապան քաղաքի Դավիթ-Բեկ թաղամասի 9-րդ շենքի հարեւանությամբ տեղի է ունեցել ավտովթար, անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ «Mersedes-Benz E-320» մակնիշի 17 FV 007 համարանիշի ավտոմեքենան (վարորդ՝ 25-ամյա Վ. Մ.) բախվել է ճանապարհին հարակից պատին:
Մինչ փրկարարների՝ դեպքի վայր հասնելը տուժածը հոսպիտալացվել է Կապանի ԲԿ: Վ. Մ.-ն հիվանդանոցում մահացել է:
Փրկարարները փակել են գազի բալոնը: