Կատալոնիայի իրավապահ մարմինները չեն կարող հաստատել, որ Բարսելոնում եւ Կամբրիլսում հարձակումներ իրագործած ահաբեկչական խմբավորումը լիովին վնասազերծվել է: Այս մասին հայտարարել է իրավապահ մարմինների ներկայացուցիչ Ալբերտ Օլիվան, փոխանցում է «ՌԻԱ Նովոստի»-ն:
Ավելի վաղ ահաբեկչական խմբավորման լիովին ոչնչացման մասին հայտարարել էր Իսպանիայի ներքին գործերի նախարարը:
«Մենք կառավարությանը ո՛չ կհերքենք, ո՛չ կհաստատենք: Սակայն Mossos-ը (Կատալոնայի իրավապահ մարմինները) հետաքննություն է անցկացնում Ազգային ոստիկանության եւ Քաղաքացիական գվարդիայի համակարգմամբ: Մենք կտեղեկացնենք, երբ համարենք, որ բջիջը վնասազերծված է»,- ասել է Օլիվան՝ հավելելով, որ հետաքննությունը շարունակվում է:
Նա հայտնել է, որ առավոտյան իրավապահ մարմինները ահաբեկչության իրագործման հետ կապված եւս մեկ խուզարկությունն են կատարել: