ԱՄՆ Թեքսաս նահանգի սահմանապահները նախօրեին փրկել են 60 միգրանտների, ովքեր բեռնատարի սառնախցում էին փակված, հայտնում է Fox News հեռուստաալիքը։
Բրոկոլի տեղափոխող սառնարանում միգրանտներին հայտնաբերել են շան օգնությամբ։ Բեռնատարի թափքի դռները փակ էին ու «ուղեւորները» չէին կարողանում ինքնուրույն դուրս գալ այնտեղից։ Սառնախցում ջերմաստիճանը չէր գերազանցում ութ աստիճանը։
Հեռուստաալիքի տվյալներով, փրկված միգրանտներից 22-ը Գվատեմալայից են, 17-ի՝ մեքսիկացիներ, 13-ը սալվադորցիներ ու ութը Հոնդուրասից։ Բոլոր միգրանտներին բուժօգնություն է առաջարկվել, սակայն նրանք հրաժարվել են։ Նրանց տեղափոխել են սահմանային շտաբ։
Բեռնատարի վարորդը, ծագումով գվատեմալցի, ձերբակալված է։ Ակնկալվում է, որ ԱՄՆ իշխանությունները նրանք մեղադրանք կառաջադրեն օտարերկրացիների ապօրինի տեղափոխության համար։
