Հնդկաստանի Բիհար նահանգում ջրհեղեղների հետեւանքով զոհվածների թիվը 153-ից 202-ի է հասել, ջրհեղեղների գոտում ավելի քան 12 մլն մարդ է բնակվում, հայտնում է ՏԱՍՍ-ը։

Մեկ շաբաթում Բիհար, Ասսամ, Արեւմտյան Բենգալիա ու Ուտտար- Փրադեշ նահանգներում ջրհեղեղների հետեւանքով 412 մարդ է զոհվել։

Բիհարում գործում են արտակարգ իրավիճակների արձագանքման ուժերի 28 ստորաբաժանումներ, ստեղծվել է 1765 դաշտային խոհանոց, որոնք սպասարկում են մոտ 350 հազար մարդու այն շրջաններում, որոնք տուժել են ջրհեղեղներից։ Օդից նետվում են անհրաժեշտ մթերքներ ու առաջին անհրաժեշտության իրեր։

Հորդառատ անձրեւները, որոնք առաջացրել են ջրի մակարդակի կտրուկ բարձրացում, սկսվել են Հնդկաստանի արեւելքում ու հյուսիս- արեւելքում օգոստոսի սկզբին։ Առանձնապես շատ են տուժել Բիհար ու Ասսամ մահանգները։ Վերջինում 144 մարդ է զոհվել, ջրի տակ է մնացել 3 հազար գյուղ։