Երկուշաբթի զինված մարդկանց խումբը հարձակվել է Ֆիլիպինների Բասիլան նահանգի գյուղերից մեկի վրա։ Այս մասին հաղորդում է «ՌԻԱ Նովոստի»-ն՝ վկայակոչելով «Սինհուա» գործակալությունը։

Հարձակումը տեղի է ունեցել տեղի ժամանակով՝ շուրջ 05։30-ին։ Մահմեդական Մինդանաո ինքնավար շրջանի ոստիկանության ներկայացուցիչ Ռեուբեն Թեոդոր Սինդակը հայտարարել է, որ զինված տղամարդիկ գյուղ են մտել, սկսել են կրակել մարդկանց ուղղությամբ եւ այրել տները։ Նրա խոսքով՝ հարձակմանը 50 մարդ է մասնակցել։ Ոստիականությունը դեռ չի պարզել, թե ո՞վ կարող է կանգնած միջադեպի հետեւում։

Տարածաշրջանում գործող դեռ ոչ մի խմբավորում չի ստանձնել պատասխանատվությունը։