Կատալոնիայում ահաբեկչությունների զոհերի թիվը հասել է 15-ի։ «ՏԱՍՍ»-ի փոխանցմամբ՝ այս մասին հայտարարել է Կատալոնիայի կառավարությանն առընթեր ներքին գործերի խորհրդական Ժոակիմ Ֆորնը։
Նրա խոսքով՝ ոստիկանությունը հաստատել է Բարսելոնում եւ Կամբրիլսում ահաբեկչությունների միջեւ կապը Սան Ժուստ Դեսվերն բնակավայրում ավտոմեքենայում հայտնաբերված մարմնի միջոցով։ Ենթադրվում է, որ հարձակման կազմակերպիչը սպանել է տրանսպորտային միջոցի սեփականատիրոջը։
Ահաբկեչության զոհերի թվում են 7 կանայք, 8 տղամարդիկ։ Զոհվել են վեց իսպանացիներ, երեք իտալացիներ, երկու պորտուգալացիներ, բելգիացի, ամերիկացի, կանադացի եւ ավստրալացի։
Օգոստոսի 17-ին Բարսելոնի կենտրոնական Ռամբլա փողոցում բեռնատարի վարորդը վրաերթի է ենթարկել անցորդներին. 13 մարդ է զոհվել են ավելի քան 130-ը տուժել են։