Բրազիլիայում կինոթատրոն այցելած կնոջ ինքնազգացողությունը վատացել է «Անաբելի անեծքը» ֆիլմը դիտելուց հետո։ Միջադեպի տեսագրությունը հրապարակվել է Twitter-ում։
«Անաբելի անեծքը» կինոդիտումը բրազիլական կինոթատրոնում ավարտվել է շտապ օգնության կանչով, կինը կորցրել էր ինքնատիրապետումն ու հարվածում էր ինքն իր գլխին»,- ասվում է հրապարակման մեջ։
Տեսանյութում երեւում է, որ կինը բղավում է ու լացում։ Նա չի կարողանում հանգստանալ։ Կնոջը գրկած են հանել դահլիճից։
Այդ ֆիլմը 2014-ին թողարկված «Անաբելի անեծքը» ֆիլմի շարունակությունն է։ Այն ժամանակ ֆրանսիական կինոթատրոնները ֆիլմը հանել էին վարձույթից հանդիսատեսների մոտ առաջացող պսիխոզի պատճառով։
