Եվրասիական տնտեսական միության արտաքին առեւտուրը այս տարվա առաջին կիսամյակում աճել է 27,8 տոկոսով, իսկ փոխադարձ առեւտրի ծավալը անդամ երկրների միջեւ աճել է 27 տոկոսով: Այս մասին հաղորդում է Եվրասիական տնտեսական հանձնաժողովի կայքը:
«2016 թվականի նույն ժամանակահատվածի համեմատ արտաքին առեւտրի ծավալն աճել է 27,8 տոկոսով (63,5 մլրդ դոլար): Ապրանքների արտահանման ծավալն աճել է 29,6 տոկոսով (41,6 մլրդ դոլար), ներմուծումը՝ 24,9 տոկոսով (21,9 մլրդ դոլար): Արտաքին առեւտրի դրական սալդոն աճել է. 2016-ի առաջին կիսամյակում այն կազմել է 52,1 մլրդ դոլար, իսկ 2017-ին՝ 71,8 մլրդ դոլար»,-հայտարարել են ԵՏՀ-ում: