Wikileaks-ի հրապարակած փաստաթղթերից մեկի համաձայն, ԱՄՆ-ը պահանջել է Թայվանից Թուրքիային վաճառել Super Cobra AH-1W ռազմական ուղղաթիռներ՝ PKK-ի դեմ պայքարելու համար:
Firat գործակալությունը տեղեկացնում է, որ Wikileaks-ի փաստաթղթերից մեկը կարող է բացասական ազդել Թայվանի եւ ԱՄՆ-ի հարաբերությունների վրա։ Ըստ այդ փաստաթղթի՝ ԱՄՆ-ը պահանջել է Թայվանից, որպեսզի վերջինս ռազմական ուղղաթիռներ վաճառի Թուրքիային՝ PKK-ի դեմ պայքարելու համար, իսկ դրա դիմաց ԱՄՆ-ը խոստացել է Թայվանին վաճառել նոր սերդնի «Ապաչի» ուղղաթիռներ։
Թայվանի պաշտպանության նախարարը հերքել է այդ տեղեկությունը՝ շեշտելով, թե ԱՄՆ-ի պահանջի դեպքում էլ, իրենք կմերժեին, քանի որ ուղղաթիռներն իրենց սահմանների անվտանգության ապահովման համար են անհրաժեշտ։