Հայաստանն առաջատար է դարձել այն երկրների շրջանում, որոնց քաղաքացիներն օգոստոսին Վրաստան են այցելել ։ Այս մասին են վկայում Վրաստանի ՆԳՆ-ի կայքում հրապարակված տվյալները, հայտնում է «Նովոստի Վրաստանը»։
Օգոստոսին Հայաստանից Վրաստան է ժամանել 250 հազար մարդ, ինչը 12 տոկոսով ավելին է անցած տարվա նույն ամսվա ցուցանիշից։
Երկրորդ տեղում Ռուսաստանի քաղաքացիներն են։ Օգոստոսին Վրաստան է այցելել 230 հազար ռուսաստանցի, 28 տոկոսով շատ, քան նախորդ տարվա ցուցանիշը։
Առաջատարների եռյակը եզրափակում է Ադրբեջանը՝ ավելի քան 220 հազար քաղաքացիների այցելությամբ, ինչը 19 տոկոսով է գերազանցում 2016-ի օգոստոսի ցուցանիշը։
