ՌԴ ԱԳ նախարար Սերգեյ Լավրովը եւ ԱՄՆ պետքարտուղար Ռեքս Թիլերսոնը Հյուսիսային Կիորեայի շուրջ ծավալված իրադրության վերաբերյալ՝ Փհենյանի հրթիռամիջուկային փորձարկումների ենթատեքստում, կարծիքներ են փոխանակել։ Այս մասին հայտարարել է ՌԴ ԱԳ նախարարության մամուլի ծառայությունը։
Ամերիկացի գործընկերոջ հետ հեռախոսազրույցի ընթացքում Լավրովը Հարավարեւելյան Ասիայում ռազմական լարվածության բորբոքմանը դեմ է հանդես եկել։ Նա նշել է, որ հարցը քաղաքական-դիվանագիտական ճանապարհով պետք է լուծում ստանա։ Լավրովը նաեւ հույզերին չտրվելու եւ զսպվածություն ցուցաբերելու կոչ է արել։
ԿԺԴՀ-ի քայլերը դատապարտող ամերիկյան բանաձեւը ՄԱԿ-ի Անվտանգության խորհրդի օրակարգում բարձրացնելու՝ Թիլերսոնի հաղորդագրությունների հետ կապված՝ Լավրովն ընդգծել է, որ ելնելով նշված դիրքորոշումից, Ռուսաստանը պատրաստ է այն քննարկել։ Իսկ միջազգային հանրության արձագանքում պետք է բացակայի խնդրի ռազմական լուծման գաղափարը։ Լավրովի համաձայն՝ հարցին հանգուցալուծում տալու նպատակով կարելի է օգտվել նաեւ ՄԱԿ-ի գլխավոր քարտուղարի ծառայություններից։
