Աշխարհահռչակ PicsArt  ֆոտոխմբագրման հավելվածի եւ սիրված երգչուհի Սիրուշոյի համագործակցությունը շարունակվում է: Մի քանի օր առաջ, ամսական ավելի քան 90 մլն ակտիվ օգտատեր ունեցող PicsArt հավելվածում հայտնվեցին Vuy Aman սթիքերների եւ շրջանակների անվճար փաթեթները։ Իսկ երեկ PicsArt-ում մեկնարկել է Սիրուշոյի ու Սեբուի հանրահայտ  #VuyAman հիթին նվիրված մրցույթ, որի հաղթողները կստանան նվեր՝ Pregomesh ապրանքանիշի զարդ եւ Արմատ սկավառակը: Հետաքրքե՞ց: Ուրեմն շտապեք մասնակցել ու շահել ինքնատիպ մրցանակները:

Ինչպե՞ս մասնակցել #VuyAman մրցույթին.

1. Խնդրեք, որպեսզի Ձեզ ու Ձեր ընկերոջը նկարեն՝ վերստանալով Սիրուշոյի ու Սեբուի Vuy Aman տեսահոլովակի վերջին կադրը։

2. Եթե դեռ չունեք, ներբեռնեք  iOS-ի, Android-ի կամ Windows-ի համար նախատեսված  PicsArt անվճար հավելվածը։

3.     Սեղմեք + նշանը, ապա EDIT  եւ ընտրեք Սիրուշոյին ու Սեբուին կրկնօրինակող Ձեր նկարը։

4.     Այնուհետեւ սթիքների կամ շրջանակների բաժիններում փնտրեք Vuy Aman սթիքերները կամ Vuy Aman շրջանակները եւ ընտրեք USE հրահանգը փաթեթն անվճար ներբեռնելու եւ օգտագործելու համար։  Ի դեպ, կարող եք օգտվել նաեւ PicsArt-ի բազմաթիվ ֆիլտրերից ու էֆեկտներից։

5.  Ավարտելուն պես սեղմեք աջ անկյունի սլաքը, ապա ավելացրեք  #VuyAman հեշթեգը եւ Ձեր նկարը կհայտնվի մրցույթի համար նախատեսված տարածքում։ Մի՛ մոռացեք կիսվել Ձեր ստեղծագործություններով նաեւ այլ սոցիալական ցանցերում՝ օգտագործելով միեւնույն  #VuyAman հեշթեգը, ապա հրավիրեք Ձեր ընկերներին PicsArt հավելված, որպեսզի գնահատեն ( Like ) Ձեր ստեղծագործությունը։

6. PicsArt հավելվածում սեղմեք նաեւ #VuyAman հեշթեգը, ծանոթացեք այլ նկարներին  եւ գնահատեք մրցույթի մյուս մասնակիցների աշխատանքը՝ խրախուսելով  նրանց։ 

Մրցույթին կարելի է մասնակցել մինչեւ սեպտեմբերի 17-ը: Հաղթող կճանաչվեն ժյուրիի կողմից ընտրված լավագույն նկարը եւ այն նկարը, որն ամենաշատ Like կհավաքի։

Հիշեցնենք, որ օրերս ամերիկյան առաջատար փոփ երաժիշտներից Սեբուն եւ հայկական փոփ երաժշտության դիվան՝ Սիրուշոն, հայտնել էին աշխարհահռչակ PicsArt բջջային հավելվածների հետ համատեղ իրականացրած նախագծի մասին, որի շրջանակում PicsArt-ում տեղ են գտել  վերջերս հիթ դարձած Vuy Aman ստեղծագործությամբ ոգեշնչված անվանական շրջանակների ու սթիքերների փաթեթները:

PicsArt–ի ու Սիրուշոյի համագործակցությունը սկսվել էր դեռեւս մարտ ամսից: PicsArt ֆոտոխմբագրման հավելվածում եւ սոցիալական ցանցում առկա են նաեւ Սիրուշոյի ոճային սթիքերներն ու «Արմատ»-ից ոգեշնչված շրջանակների փաթեթները. հայկական տարազի դետալներն ու նախշերը հասանելի են միլիոնավոր մարդկանց աշխարհի տարբեր ծայրերից: