Հնդկաստանի կառավարությունը հավանություն է տվել Հայաստանի հետ տարերային աղետների դեմ պայքարի մասին համագործակցության հուշագրին։ Այս մասին ասված է Հնդկաստանի վարչապետի կայքում։

Հուշագրի նպատակն է ամրապնդել համագործակցությունը տարերային աղետների դեմ պայքարի ոլորտում եւ նպաստել երկու երկրների բնակիչների անվտանգությանը։

Բացի այդ հուշագրով նախատեսվում է ստեղծել համակարգ, որի շրջանակում Հնդկաստանն ու Հայաստանը շահավետ կերպով կօգտագործեն մյուս երկրի կառավարման մեխանիզմները։