Facebook սոցցանցը գործարկում է Crisis Response նոր բաժինը, որտեղ մեկ տեղում է հավաքվելու տեղեկատվությունը վերջին արտակարգ իրավիճակների մասին ու արագ մուտք է տրամադրվելու Safety Check ֆունկցիաներին։
Crisis Response-ը հասանելի կդառնա առաջիկա շաբաթներին։ Այն կտրամադրի հնարավորություն՝ ընկերներին ու մտերիմներին տեղեկացնել, որ դուք անվտանգության մեջ եք, նաեւ՝ հղումներ արտակարգ իրավիճակի մասին հոդվածներին, լուսանկարներին ու տեսագրություններին։
Բացի դրանից, այնտեղ կլինի նաեւ «օգնություն» ֆունկցիան, մարդիկ կկարողանան օգնություն խնդրել կամ օգնել տուժածներին։ Նաեւ կա հնարավորություն գործարկել ֆանդռեյզինգ ու հավաքել օգնություն նրանց համար, ովքեր տուժել են արտակարգ պատահարից։