Բրազիլիայի գլխավոր դատախազությունը երկրի նախագահ Միշել Թեմերին նոր մեղադրանքներ է առաջադրել։ Նրան մեղադրում են արդարադատությանը խոչընդոտելու եւ կաշառք վերցնելու մեջ, փոխանցում է Reuters-ը։

Սա աշխարհում ամենախոշոր մսամթերք արտադրող JBS SA ընկերության սեփականատերերի՝ իրենց մեղքը ճանաչելու մասին հայտարարության հիման վրա նախագահին առաջադրված մեղադրանքների երկրորդ շարքն է։

Նրանք Թեմերին մեղադրել են քաղաքական օգնության դիմաց կաշառք տալու եւ վկայի լռությունը գնելու մեջ, որը նրա դեմ ցուցմունք կարող էր տալ։

Թեմերն ինքը հերքում է բոլոր մեղադրանքները։