Ռուսաստանցի սենատորները սեպտեմբերի 10-ին տեղի ունեցած տեղական ինքնակառավարման մարմինների ընտրություններում ԱՄՆ միջամտության փաստեր են հայտնաբերել։ Այս մասին հայտնել է Դաշնության խորհրդի պետական ինքնիշխանության եւ ՌԴ ներքին գործերին միջամտությունը կանխելու հանձնաժողովի նախագահ Անդրեյ Կլիմովը։
Կլիմովի խոսքով՝ ապացույցներ կան, որ ԱՄՆ-ն Ռուսաստան գումար է ուղարկել՝ ընտրություններում կոնկրետ թեկնածուներին աջակցելու համար։
Կլիմովը նաեւ հայտարարել է, որ փողերը փոխանցվել են ԵՏՄ Մաքսային միության անդամ երկրի միջոցով, որտեղ «օտարերկրյա գործակալների մասին օրենք չկա»։ Աղբյուրների համաձայն՝ փողերն անցել են Ղազախստանով։
Կլիմովը չի նշել կոնկրետ ընկերությունների կամ թեկնածուների, որոնք ստացել են փողերը։