Չինաստանը դեմ է արտահայտվել Հյուսիսային Կորեայի կողմից ՄԱԿ ԱԽ բանաձեւերի խախտմամբ բալիստիկ հթրռների արձակմանը։ Այս մասին սեպտեմբերի 15-ին հայտնել է Չինաստանի ԱԳՆ պաշտոնական ներկայացուցիչ Խուա Չունինը։
Նրա խոսքով՝ Հյուսիսային Կորեայի հրթիռային եւ միջուկային ներուժի զսպման շեշտադրումը չպետք է դրվի խաղաղ եւ դիվանագիտական կարգավորման ձգտումների հաշվին, փոխանցում է Reuters–ը։
Խուան նշեց, որ Չինաստանը շատ ջանքեր է գործադրել ՄԱԿ ԱԽ բանաձեւերի իրականացման համար եւ նրա անկեղծությունը կասկածի տեղիք չի տալիս։
Հիշեցնենք, որ Հյուսիսային Կորեան Ճապոնիայի Հոկայդո կղզու վրայով հրթիռ էր բաց թողել Խաղաղ օվկիանոս: