Իրաքյան Քուրդիստանի խորհրդարանը հավանություն է տվել սեպտեմբերի 25-ին անկախացման մասին հանրաքվեի անցկացմանը։ Սեպտեմբերի 15-ին տեղի ունեցած քվեարկությունը հեռարձակվել է քրդական Rudaw հեռուստաալիքի ուղիղ եթերում։
Իրաքյան Քուրդիստանի խորհրդարանը ուրբաթ երեկոյան վերսկսել է իր աշխատանքները՝ երկու տարվա դադարից հետո։ Խորհրդարանի համար քննարկման գլխավոր թեման անկախացման մասին հանրաքվեի անցկացումն էր։
Իրաքյան Քուրդիստանի ինքնավար շրջանի իշխանությունները միակողմանի կարգով սեպտեմբերի 25-ին նշանակել են Իրաքից առանձնանալու մասին հանրաքվե՝ անտեսելով կենտրոնական իշխանությունների դիրքորոշումը։ Բաղդադում այս հանրաքվեն ապօրինի են համարում։ Հանրաքվեի անցակցմանը դեմ է քվեարկել նաեւ Իրաքի խորհրդարանը։