Իրանցի գյուղացիները կարողանում են տանը օրգանական պարարտանյութեր արտադրել եւ ցանականում են Հայաստանի հետ փորձի փոխանակում կատարել: Այս մասին NEWS.am-ի հետ զրույցում ասաց Կայուն զարգացման ինստիտուտի ղեկավար Հորմոդ Ջավադ Ռազմին՝ Գյուղական կյանքի եւ ավանդույթների ցուցահանդեսում: Ցուցահանդեսն ամեն տարի անցկացվում է Երեւանում, այն կազմակերպում է «Կանաչ արահետ» հասարակական կազմակերպությունը՝ Հայաստանի Գյուղատնտեսության նախարարության եւ Երեւանի քաղաքապետարանի աջակցությամբ:
Հայ գյուղացիների հետ միասին իրենց ձեռքի աշխատանքն են ներկայացրել Իրանից եւ Վրաստանից հյուրերը:
Իրանյան տաղավարում ցուցադրել են օրգանական քրքում (90 տոկոս քրքում, աշխարհի ամենաթանկարժեք համեմունքն արտադրում են Իրանում) եւ խսիր՝ արմավենու տերեւներից գործվածք: Այն հյուսում են Սիստան եւ Բելուջիստան նահանգների գյուղերում, որոնք սահմանակից են Աֆղանստանին եւ Պակիստանին:
Ավանդական արհեստների հետ միասին ինստիտուտը նաեւ նորույթ է ներկայացրել, որը գյուղացիները հաջողությամբ յուրացրել են: Մազանդարան եւ Գոլեստան նահանգների գյուղերում, Կասպից ծովի մոտ, ինստիտուտի փորձագետները նրանց սովորեցրել են օգտագործել որդերին, որոնք մշակում են գյուղատնտեսական թափոնների պարարտանյութի մեջ: Այն օգտագործում են որպես պարարտանյութ՝ հողն ազատելով քիմիկատներից, իսկ ջրամբարները՝ կեղտոտ ջրահոսքերից:
«Մենք ցանկանում ենք առաջին հերթին ցույց տալ մեր երկրի ավանդույթները եւ հմտությունները: Մենք հավատում ենք, որ որքան լավ իմանանք մեկս մյուսի ձեռքբերումների մասին, այնքան հեշտ կհամագործակցենք»,- ասաց Ռազմին: