Իրաքյան Քրդստանի անկախության հանրաքվեն սպառնում է Թուրքիայի ազգային անվտանգությանը: Այս մասին հայտարարել է Թուրքիայի վարչապետ Բինալի Յըլդըրըմը, փոխանցում է ՏԱՍՍ-ը:
«Իրաքյան Քրդստանի ղեկավարության ծրագրած անկախության հանրաքվեն առնչվում է մեր երկրի ազգային անվտանգությանը,- շեշտել է նա: - Ոչ ոք չպետք է կասկածի, որ մենք այս կապակցությամբ կնախաձեռնենք բոլոր ամենաանհրաժեշտ քայլերը»:
Նախօրեին Թուրքիայի նախագահ Թայիփ Էրդողանը A Haber հեռուստաալիքի հետ հարցազրույցում նշել էր, որ սեպտեբերի 22-ին Թուրքիան կհայտարարի սեպտեմբերի 25-ի հանրաքվեի պատասխան միջոցառումների մասին:
