Ադրբեջանի նախագահ Իլհամ Ալիեւի գործողությունները ահաբեկչական բնույթ են կրում։ Այս մասին սեպտեմբերի 18–ին՝ Հայաստան–Սփյուռք 6–րդ համաժողովի շրջանակում, լրագրողներին ասաց քաղաքական եւ ռազմական գործիչ Նորատ Տեր–Գրիգորյանցը՝ պատասխանելով ղարաբաղյան հակամարտության կարգավորման ներկայիս փուլի մասին NEWS.am–ի հարցին։
Նրա խոսքով՝ դրա մասին էր վկայում ապրիլյան հարձակումը, երբ նրանք գլուխներ էին կտրում, ինչը պատերազմի ժամանակ մարդասիրական իրավունքի ոտնահարում է։ Գեներալ–լեյտենանտը կարծում է, որ արդարացի չէ, որ չեն ճանաչում Լեռնային Ղարաբաղի անկախությունը, քանի որ ճանաչել են Հարավային Օսիայի, Կոսովոյի եւ Ղրիմի ժողովրդի ինքնորոշման իրավունքը։ «Սա իմ տեսակետից անցանկալի երեւույթ է»,– նշեց Նորատ Տեր Գրիգորյանցը։
Նա նշեց, որ ղարաբաղյան հակամարտությունը պետք է լուծել խաղաղ ճանապարհով։ «Բայց մենք 1994–ին զզվելի փաստաթուղթ ենք ստորագրել հրադադարի մասին, թեպետ պետք էր արձանագրել Ադրբեջանի կապիտուլյացիան եւ ճանաչել Լեռնյին Ղարաբաղի Հանրապետության անկախությունը»,– ասաց գեներալ–լեյտենանտը։