Սիրիայի հարցով միջազգային բարձրաստիճան հանդիպումը կկայանա Նյու Յորքում՝ ՄԱԿ կենտրոնական գրասենյակում, Գլխավոր Ասամբլեայի համաքաղաքական քննարկման շրջանակում։ Այս մասին կիրակի ՏԱՍՍ-ին տված բացառիկ հարցազրույցում հայտարարել է ՄԱԿ-ում ՌԴ-ի մշտական ներկայացուցիչ Վասիլի Նեբենզյան։
«Սիրիական ճգնաժամի հարցով լայն ձեւաչափով միջազգային հանդիպումը տեղի կունենա ամսի 21-ին ՄԱԿ Խնամակալության խորհրդի սրահում»,–ասել է դիվանագետը։ Նա բացատրել է, որ հանդիպումը, որը կայանալու է Եվրամիության նախաձեռնությամբ, որեւէ առնչություն չունի Սիրիայի Միջազգային աջակցության խմբի հետ, որի մեջ ընդգրկված է 20 երկիր, ՄԱԿ-ը եւ Արաբական երկրների լիգան։
ՍՄԱԽ-ի համանախագահներն են Ռուսաստանը եւ ԱՄՆ-ն։ ՄԱԿ-ում սեպտեմբերի 19-25-ը տեղի կունենա Գլխավոր Ասամբլեայի համաքաղաքական բանավեճը, որի շրջանակում կկայանան տասնյակ նիստեր եւ երկկողմանի հանդիպումներ։