Հարվածային Կա-52 ուղղաթիռը «Արեւմուտք-2017» ռուս-բելառուսական զորավարժությունների ժամանակ պատահական հարված է հասցրել հանդիսատեսի ուղղությամբ։ Այս մասին հաղորդում է «66․ռու»-ն՝ վկայակոչելով իր աղբյուրները։ Հաղորդվում է, որ միջադեպը տեղի է ունեցել Լենինգրադի մարզի «Լուժսկի» հրաձգարանի տարածքում։ Նախնական տվյալներով՝ երկու անձ ծանր վնասվածքներով հոսպտալացվել է, վնասվել է երկու ավտոմեքենա։ Լրատվամիջոցների հրապարակված տեսանյութում երեւում է, թե ինչպես է ուղղաթիռներից մեկը հրթիռ արձակում մարդկանց եւ մեքենաների ուղղութամբ։
«Ֆոնտանկի․ռու»-ի տվյալներով՝ դեպքը տեղի է ունեցել սեպտեմբերի 18-ին, եւ դրա հետաքննությամբ զբաղվում է ռազմական ոստիկանությունը։ Մեկ այլ տեսանյութում երեւում են հարվածի հետեւաքները՝ վնասված մարդատար ավտոմեքենա եւ բեռնատար «Կամազ»։ «Գազետա»-ի հաղորդմամբ՝ դեպքի վերաբերյալ պաշտոնական հաղորդագրություն դեռ չի եղել։
