Ավստրալիայի Սիդնեյ քաղաքում վեց աղջիկներ, առանց նախապես պայմանավորվելու, հարսանիքին մասնակցելու համար նույն զգեստներն են ընտրել, հայտնում է The Daily Telegraph-ը։
Հարսնացուի խոսքով՝ այդ աղջիկներն ուշադիր զննում էին միմյանց ու չէին հասկանում, թե ինչ անեն՝ ծիծաղեն, թե տուն գնան՝ հագուստը փոխելու ։ Արդյունքում նրանք որոշել են մնալ ու նույնիսկ լուսանկարվել են միասին։
«Ես լսել եմ երկու նույնատեսակ զգեստներով դեպքերի մասին։ Կամ գուցե ՝ երեք։ Բայց վե՞ց։ Նման բան բարդ է պատկերացնել»,- ասում է հարսնացուն։
Հարսանիքին հրավիրված վեց աղջիկներն էլ հանդիսության համար գնել էին Forever New ավստրալական ապրանքանիշի զգեստը՝ 159․99 դոլարով։