Եփրատի արեւելյան ափի շրջաններից, որտեղ գտնվում են Դամասկոսին ընդդիմադիր Սիրիայի Դեմոկրատական ուժերի գրոհայինները եւ ԱՄՆ ԶՈւ հատուկ նշանակության ստորաբաժանումը, Սիրիայի զորքերի վրա 2 անգամ կրակ են արձակել նռնականետներից եւ ռեակտիվ հրետանուց: Այս մասին հայտնել է ՌԴ Պաշտպանության նախարարության պաշտոնական ներկայացուցիչ Իգոր Կոնաշենկովը, փոխանցում է ՏԱՍՍ-ը:
Նա պարզաբանել է, որ հյուսիսից Դեր Զորին մոտեցող ՍԴՈւ-ի գրոհայիններն առանց խոչընդոտի միանում են ԻՊ ահաբեկիչների շարքերին, եւ ռուսական անօդաչուներով ու հետախուզությամբ շաբաթվա ընթացքում ԻՊ-ի եւ «երրրոդ ուժի»՝ ՍԴՈւ-ի ոչ մի բախում չի գրանցվել:
ՊՆ ներկայացուցիչը հավելել է, որ Սիրիայի զորքերի հաջողությունների ֆոնին ԱՄՆ գլխավորած միջազգային կոալիցիան եւ ՍԴՈւ-ն դադարեցրել են Ռաքայի ազատագրման գործողությունը:
